മലയാള സിനിമയിൽ നൂറുകോടി വാരിയെടുത്ത തുടരും വൻ ഹിറ്റായതിന് പിന്നാലെയാണ് പ്രേക്ഷകർക്ക് ആകാംക്ഷയായി ഹൃദയപൂർവ്വം എത്തുന്നത്. എന്നും എപ്പോഴും എന്ന ചിത്രത്തിന് പിന്നാലെ മോഹൻലാലും സത്യൻ അന്തിക്കാടും ഒന്നിക്കുന്ന സിനിമയാണ് ഹൃദയപൂർവ്വം. ഓണം തീയറ്ററുകളിൽ ആഘോഷമായിരുന്നു ഒരു കാലം മലയാളിക്ക് ഉണ്ടായിരുന്നു. എന്നാൽ സമീപകാലത്തായി അതല്ല സാഹചര്യം. ഏതായാലും ഹൃദയപൂർവ്വം ട്രെയിലർ വൻകയ്യടിയോടെയാണ് പ്രേക്ഷകർ ഏറ്റെടുത്തത്.
മോഹൻലാൽ എന്ന നടന്റെ സ്വാഭാവിക അഭിനയം ഹൃദയപൂർവ്വത്തിലും ഉണ്ട് എന്ന് സൂചിപ്പിക്കുന്നതായിരുന്നു ട്രെയിലർ. മലയാളിക്ക് കുടുംബ ചിത്രങ്ങൾ സമ്മാനിക്കുന്ന സത്യൻ അന്തിക്കാട് ഒരുക്കുന്ന ചിത്രം കൂടി ആയതോടെ പ്രതീക്ഷ വാനോളം ഉയർന്നു കഴിഞ്ഞു. ഈ മാസം 28ന് തീയറ്ററുകളിൽ എത്തുന്ന ഹൃദയപൂർവ്വം ഓണാവധി കളർ ആക്കും എന്നാണ് പ്രതീക്ഷിക്കപ്പെടുന്നത്.
പ്രേമുകിലെ അമൽ ദേവീസിലൂടെ താരമായ സംഗീത് പ്രതാപ് മോഹൻലാലുമായി ഒന്നിക്കുന്ന ചിത്രം കൂടിയാണ് ഹൃദയപൂർവ്വം. ഇരുവരും തമ്മിലുള്ള കോമ്പിനേഷൻ സീനുകൾ കാര്യമായി പ്രതീക്ഷിക്കുന്നവരാണ് ആരാധകർ. മാളവിക മോഹനനാണ് ചിത്രത്തിലെ നായിക. നടി സംഗീതയും ചിത്രത്തിൽ ഒരു പ്രധാനപ്പെട്ട വേഷത്തിൽ എത്തുന്നുണ്ട്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിന്റെ തിരക്കഥയും സംവിധാനവും സോനു ടിപി ആണ്. അനു മൂത്തേടത്താണ് ക്യാമറമാൻ.
തുടരും സിനിമയ്ക്ക് പിന്നാലെ എത്തുന്നതോടെ നൂറുകോടി ക്ലബ്ബിലേക്ക് മലയാളികളുടെ പ്രിയപ്പെട്ട ലാലേട്ടൻ വീണ്ടും എത്തുമോ എന്നതാണ് ആകാംഷ.
