വീട്ടിൽ വളർത്തുമൃഗങ്ങളെ പരിപാലിക്കുന്നത് ഏറെ വർദ്ധിച്ചു വരുന്ന ഒരു സാഹചര്യമാണ് ഇന്ന്. മനുഷ്യർ വീട്ടിലെ അടുക്കളകളെ വിട്ട് ഓൺലൈൻ ഭക്ഷണം ഓർഡർ ചെയ്യുന്ന കാലവുമായി. നമ്മൾ മാത്രം അങ്ങനെ ഓൺലൈനിൽ ഭക്ഷണം ബുക്ക് ചെയ്ത് കഴിച്ചാൽ മതിയോ. ഈ ചോദ്യത്തിന് ഉത്തരം നൽകുകയാണ് ഒരുപറ്റം ചെറുപ്പക്കാർ.
നിങ്ങളുടെ വീട്ടിൽ വളർത്തുന്ന നായകൾക്ക് ഇനി ഓൺലൈൻ വഴി ഓർഡർ ചെയ്താൽ ഭക്ഷണം വീട്ടിലെത്തും. പാകം ചെയ്ത ഭക്ഷണമാണ് നായകൾക്കായി പുതിയ സംരംഭത്തിലൂടെ വീട്ടിൽ എത്തിക്കുന്നത്. അതും കൃത്യമായ ഒരു ഡോക്ടറുടെ നിർദ്ദേശപ്രകാരം ഉണ്ടാക്കുന്ന ഭക്ഷണം. നായകളുടെ വ്യത്യസ്ത സാഹചര്യങ്ങൾക്ക് അനുസരിച്ച് ഭക്ഷണത്തിലും വ്യത്യസ്തത ഉണ്ടാകണം എന്നതാണ് ഇവർ ചൂണ്ടിക്കാട്ടുന്നത്. അതായത് പ്രസവിച്ചു കിടക്കുന്ന നായകൾക്ക് നൽകുന്ന പോലുള്ള ഭക്ഷണമല്ല മറ്റുള്ളവയ്ക്ക്. അതേപോലെതന്നെ വലുപ്പച്ചെറുപ്പമനനുസരിച്ച് വ്യത്യസ്ത ഇനം ഭക്ഷണങ്ങളാണ് നൽകേണ്ടത്. ഇവയെല്ലാം നിങ്ങൾക്ക് ഓൺലൈനായി ലഭിക്കുന്നതാണ് ഈ സംരംഭം.
വിവിധ കോംബോ പാക്കറ്റുകളിൽ ആയാണ് ഭക്ഷണം വീട്ടിൽ എത്തിച്ചു നൽകുന്നത്. വിവിധ സബ്സ്ക്രിപ്ഷൻ ഇനത്തിൽ തന്നെ ഭക്ഷണം ബുക്ക് ചെയ്യുന്നവർക്ക് പ്രത്യേക ഓഫറുകളും ഇവർ നൽകുന്നുണ്ട്. സംഭവം കോട്ടയം കഞ്ഞിക്കുഴിയിലാണ് പ്രവർത്തനം തുടങ്ങിയിരിക്കുന്നത്. കഞ്ഞിക്കുഴി കേന്ദ്രീകരിച്ച് 15 കിലോമീറ്റർ പരിധിയിലാണ് ഗ്യാസ് പെറ്റ് ഫുഡ് എന്ന പേരിൽ പുതിയ സംരംഭം ചെറുപ്പക്കാരുടെ മൂന്നംഗസംഘം തുടങ്ങിയിരിക്കുന്നത്.
ഗോവിന്ദൻ,അഭിജിത്ത്,സാരഗ് എന്നീ മൂന്ന് സുഹൃത്തുക്കളാണ് ഈ സംരംഭത്തിന്. ഇവരുടെ പേരിന്റെ ആദ്യാക്ഷരം ചേർത്താണ് ഗ്യാസ് എന്ന പേരിൽ സ്ഥാപനം തുടങ്ങിയത്. ഏതായാലും വളരെ ചെറിയ മുടക്ക് മുതൽ ചിലവാക്കിയാണ് സംരംഭം. ആകെ അഞ്ച് ലക്ഷം രൂപ മാത്രമാണ് നിലവിൽ ഇതിനായി ഇൻവെസ്റ്റ് ചെയ്തിട്ടുള്ളത്. വളരെ വേഗത്തിൽ തന്നെ ഈ പണം തിരിച്ചു കിട്ടി ലാഭത്തിലേക്ക് മാറിയിരിക്കുകയാണ് ചെറുപ്പക്കാരുടെ ഈ ചെറിയ ബിസിനസ് ഐഡിയ. വൈകാതെ കൊച്ചിയിലും ബാംഗ്ലൂരിലും ഗ്യാസ് പെറ്റ് ഫുഡ് പ്രവർത്തനം തുടങ്ങും. കൂടുതൽ വിവരങ്ങൾക്ക് ഈ നമ്പറിൽ ബന്ധപ്പെടുക.
(+91 8137 0912 99) ഗ്യാസ് പെറ്റ് ഫുഡ് എന്ന പേരിലുള്ള ഇൻസ്റ്റഗ്രാം വഴിയും നിങ്ങൾക്ക് ഇവരെ ബന്ധപ്പെടാം.
