തിളക്കമുള്ള ചര്മ്മത്തിന് മാമ്പഴം കൊണ്ടുള്ള നാലു ഫെയ്സ്പാക്കുകള് ഇതാ…
- മാമ്പഴവും തേനും
ഡ്രൈ സ്കിന്നിനും നോർമൽ സ്കിന്നിനും വളരെ നല്ലതാണ് മാമ്പഴവും തേനും കൊണ്ടുള്ള ഫെയ്സ്പാക്. ഇത് ത്വക്ക് മൃദുവും തിളക്കമുള്ളതുമാകും.
ആവശ്യമായത്:
പാകം വന്ന മാമ്പഴം – 2 ടേബിൾസ്പൂൺ മാമ്പഴം അരച്ചത്
തേൻ – 1 ടീസ്പൂൺ
ഉപയോഗം:
രണ്ടും നന്നായി കലർത്തുക. മുഖത്തും കഴുത്തിലും പുരട്ടുക.15–20 മിനിറ്റ് കഴിഞ്ഞ് തണുത്ത വെള്ളത്തിൽ കഴുകുക.
- മാമ്പഴവും തൈരും
എണ്ണമയമുള്ള ചര്മ്മത്തിന് ബെസ്റ്റാണ് മാമ്പഴവും തൈരും ചേര്ന്ന ഫെയ്സ്പാക്.
ആവശ്യമായത്:
മാമ്പഴം – 2 ടേബിൾസ്പൂൺ
തൈര് – 1 ടേബിൾസ്പൂൺ
ഉപയോഗം:
മുഖത്ത് പുരട്ടി 15 മിനിറ്റ് വിടുക. സാധാരണ വെള്ളത്തിൽ കഴുകുക. ചര്മ്മത്തിലെ അധികമുള്ള ഓയിൽ കുറയ്ക്കാനും ഫ്രഷ് ലുക്ക് നൽകാനും സഹായിക്കും.
- മാമ്പഴവും മഞ്ഞളും
മുഖക്കുരുവിനും കരുവാളിപ്പിനും ഈ പായ്ക് വളരെ നല്ലതാണ്.
ആവശ്യമായത്:
മാമ്പഴം – 2 ടേബിൾസ്പൂൺ
മഞ്ഞൾ – ഒരു ചെറിയ പിടി
ഉപയോഗം:
മാമ്പഴത്തില് വളരെ കുറച്ച് മാത്രം മഞ്ഞൾ ചേർക്കുക. 10–15 മിനിറ്റ് മാത്രം വയ്ക്കുക. മുഖക്കുരുവിന്റെ അടയാളങ്ങൾ കുറയാൻ സഹായിക്കും.
- മാമ്പഴവും ചന്ദനവും
മാമ്പഴവും ചന്ദനവും ചേര്ന്ന പായ്ക് ചൂടുകാലത്ത് മുഖത്തിന് തണുപ്പും തിളക്കവും നൽകും.
ആവശ്യമായത്:
മാമ്പഴം – 2 ടേബിൾസ്പൂൺ
ചന്ദനം പൊടി – 1 ടീസ്പൂൺ
റോസ് വാട്ടർ – കുറച്ച്
മുഖത്ത് പുരട്ടി 15 മിനിറ്റ് വിടുക. സാധാരണ വെള്ളത്തിൽ കഴുകുക.
